Grettir brennur
Read More
Á myndinni, sem tekinn var þann 8. apríl 1935, sést það sem eftir var af timburhúsinu á Grettisgötu 46, eftir bruna þann dag. Húsið sem kallað var ,,Grettir" varð alelda á nokkrum mínútum. Á myndinni sjást slökkviliðsmenn beina slöngum sínum á hús númer 44, en húsin stóðu sitt hvoru megin við Vitastíg.
Horft niður vitastíg. Slökkviliðsmenn beina slöngum sínum að (talið frá vinstri) Vitastíg 14, Grettisgötu 44 og Grettisgötu 46.
Horft upp Vitastíg. Grettisgata 46 rústir einar. Alls voru íbúar í Gretti 37 talsins, en mannbjörg varð í brunanum. Á myndinni sjást slökkviliðsmenn í stigum hyggja að nærliggjandi húsum að Grettisgötu 47 og 44 og Vitastíg 14, en miklar skemmdir urðu á öllum húsunum.
Mynd tekin í suðurátt, upp Vitastíg og sýnir hornhúsið á Grettisgötu 46 í ljósum logum.
Grettisbruni - frá Grettisgötu
Myndin er tekin í austurátt. Húsið við Grettisgötu 46 er rústir einar, ef undanskildir eru tveir reykháfar, sem báðir eru uppistandandi og sköpuðu slysahættu. Húsið hægra megin í myndinni er Grettisgata 44
Slökkviliðstarf í fullum gangi á Vitastíg. Í baksýn má sjá að áhorfendum hefur verið haldið fjarri. Íbúi í Gretti tilkynnti um brunann með því að brjóta brunaboða við húsið. Þau boð bárust hins vegar aldrei til slökkviliðsins og tafði það björgunaraðgerðir um nokkrar minútur.
Mynd tekin frá Njálsgötu
