Sveitin
Read More
Vegurinn til Þingvalla var á árum áður í gegn um Almannagjá, en hún hefur verið friðuð frá bílaumferð frá 1967. Gjáin markar plötuskil Ameríku og Evrópuflekans að vestanverðu. Myndin er tekin á tímabilinu 1936-44.. Bifreið sem lagt hefur verið í vegakantinum er R-250, en þá bifreið hafði Lögreglan í Reykjavík til umráða.
Við Þingvallavatn, Sandey næst og Botnssúlur í fjarska. Framar á myndinni eru þau Fríða Sonja Schmidt og sennilega sonur hennar, Gylfi Heinrich Gunnarsson. Fjær á myndinni eru Elín Geira Óladóttir, móðursystur Sonju og Valborg Sveinsdóttir Myndin er tekin um 1941-2.
Þingvallakirkja og Öxará. Þingvallavatn í baksýn. Kirkjan var vígð árið 1859. Í undirbúningi konungskomunnar 1907 var turni kirkjunni breytt samkvæmt tillögum Rögnvaldar Ólafssonar húsameistara. Í turninum eru þrjár klukkur, ein forn án ártals, önnur gefin kirkjunni af Jóni Vídalín biskupi á vígsluári hans 1698, og sú þriðja er „Íslandsklukkan“ frá 1944. Heimildir og ítarefni á kirkjuvefnum. http://kirkjan.is/thingvallakirkja/um-%C3%BEingvallakirkju/
Ljósmynd frá Þingvöllum. Myndin er tekin í ágúst 1944.
Í Botnsdal í Hvalfirði. Fjöllin í baksýn eru Hvalfell og Botnssúlur
Tvær konur raka hey. Myndin er tekin ofan frá af bæjarstæðinu hjá Þyrli. Þetta er Akrafjallið þarna fjærst, Reynivallaháls í Kjós nær. Svo sést oddi Þyrilsness til vinstri á myndinni. Úti á fiðrinum er svo Harðarhólmi eða Geirshólmi. Hvammsvík er handan við hann. (Heimild: Facebook: MÞH Gamlar ljósmyndir)
Horft yfir Hvalfjjörð frá Bjarteyjarsandi. Drengurinn á myndinni er óþekktur, en kann að vera sonur Sveins.
Tekið frá Hvammsvík til austurs. Í fjarska sjást Botnssúlur og Hvalfell, Múlafjall og Þyrilsnes fyrir miðju, fjallið Þyrill til vinstri. (Heimild: Guðbrandur Þorkell Guðbrandsson)
Mennirnir tveir standa við stórbrotna kletta í nágrenni Akraness, ef til vill á Kalmannstungu. Fjallasýn. Skarðsheiði með tindunum Heiðarhorni og Skarðshyrnu.
Akrafjall og Reynivallaháls séð frá sjó.
Við Elínarhöfða á Akranesi. Bærinn Innsti vogur í fjarska. (Heimild: Jóhann Hafsteinn Hafsteinsson)
Steinsvararbyggja á Akranesi. Heimaskagahúsið í baksýn.
Borgarnes, séð úr Brákarey.
Borgarnes séð frá Brákarey. Bátur bundinn við klett.
Brú yfir Hvítá í Borgarfirði sem vígð var árið 1928.
Myndin er merkt: Í Borgarfirði. Í möppu með myndum frá 1942-3.
Snorralaug í Reykholti í Borgarfirði.
Hjá Hreðavatni árið 1944. Fjallið Grábrók, 170 m hár gjallgígur í baksýn.
Mynd tekin í ágúst 1944
Bygging Héraðsskólans að Reykjum í Hrútafirði. Guðjón Samúelsson teiknaði bygginguna.
Mynd merkt: Við Ólafsvík. Bátverjar, tveir ræðarar og þrír farþegar ókunnir.
Fjallið Kirkjufell við Grundarfjörð.
Siglt inn að Stykkishólmi.
